عيـــون ربعـــي..

يقول أحدهم...:

يابو مشـاري مـا تفيـد المناديـب

لا صار مـا للشخـص حـظٍ يشـدّه

حـظٍ يحطـه فـي علـو المراقيـب

وبابٍ يشوفـه مـا يناسـب يسـده

مهوب مثلي يقـرب الحـظ ويغيـب

والى حضر يبطح على القـاع خـدّه

يبرك واقوم الى اوجبـن المواجيـب

ولا علي لـو كـان ممشـاي ضـده

يالله عسى لي طيب واقـدم الطيـب

ويصير لـي بعيـون ربعـي مـودّه

وعساي ما انزل في عيون الاصاحيب

ومبنا بنيته يـا عسانـي مـا اهـده

وعساي ما اطى العيب والشك والريب

وانصح بمسعى خير واركض والـدّه

والسر لو هو في صـدور الاجانيـب

انشـد ويظهـر لـك دفينـه مـردّه

يا طير ياللّي لـك جنـاج ومخاليـب

ولك نظرة لا رجـت بالحـوم حـدّه

قلي ورى الغواص ماتلـه السيـب ؟

مـا سـره المحـار لوهـو يـعـدّه

ليته صبر ويشـوف وش فالدواليـب

ان جـاز والا العيـب عـداه عـده

ترى الخطيّـة كنهـا شقـة الجيـب

مثل الجمـل لا صـار عضّـه ببـده.......